Nur-Sultan qalasynda kómir satyp alýǵa áleýmettik kómek tólenedi, dep habarlaidy "Ult aqparat" elorda ákimdigine silteme jasap.
Tólemdi Jumyspen qamtý jáne áleýmettik qorǵaý basqarmasy júrgizedi.
Áleýmettik tólem beriledi: peshpen jylytylatyn óz atyndaǵy úide nemese jaldamaly úide turatyn jasy boiynsha zeinetkerlerge, múgedekterge, múgedek balalarǵa jáne kópbalaly otbasylarǵa. Bul rette, olardyń turǵyn úide tirkeýde turýy mindetti. Sondai-aq jan basyna shaqqandaǵy tabys 4 eselengen eń tómengi kúnkóris deńgeiinen (shamamen 160 myń teńge) aspaýy qajet.
Ótemaqy bir jylytý maýsymynda bir ret qana beriledi. Onyń kólemi – 16 ailyq eseptik kórsetkish nemese 44 448 teńge.
Aita keteiik, kómir satyp alýǵa ótemaqy alýǵa quqyly birneshe adam bir jekemenshik úide turǵan jaǵdaida, ótemaqy olardyń bireýine ǵana beriledi.
Karantin sharalaryn saqtaý maqsatynda ótinish elektrondy úkimet (egov.kz) portalynda 15 qazannan 30 sáýirge deiin qabyldanady.
Ótinishpen birge kelesi qujattar qosa usynylýy qajet:
1) jeke basyn kýálandyratyn qujattyń kóshirmesi;
2) adamnyń (otbasynyń) quramy týraly málimetter;
3) jiyntyq tabysyn esepteý qaǵidasyna sáikes adamnyń (otbasy músheleriniń) tabysy týraly málimetter;
4) zeinetkerlik kýáliginiń kóshirmesi – zeinetkerler úshin, múgedektigi jónindegi anyqtamasynyń kóshirmesi – múgedekter úshin;
5) Qazaqstan Respýblikasy Ádilet ministrliginiń aýmaqtyq organy bergen jyljymaityn múlikke tirkelgen quqyǵynyń bolmaýy (bolýy) jónindegi anyqtama.
6) banktik shot týraly málimet.
Suraqtar boiynsha kelesi tulǵalarǵa habarlasýǵa bolady:
- Filaretova Inna Iýrevna Almaty aýdany boiynsha áleýmettik tólemder taǵaiyndaý bóliminiń basshysy - 8 702 158 08 53;
- Januzaqova Quralai Serikqyzy Baiqońyr aýdany boiynsha áleýmettik tólemder taǵaiyndaý bóliminiń basshysy - 8 705 468 50 01;
- Júndibaeva Nurgúl Qasymjanqyzy Esil aýdany boiynsha áleýmettik tólemder taǵaiyndaý bóliminiń basshysy - 8 702 433 93 36;
- Stanbaeva Saltanat Dúisenqyzy Saryarqa aýdany boiynsha áleýmettik tólemder taǵaiyndaý bóliminiń basshysy - 8 702 961 09 68.
