Halyqaralyq bi kúnine orai Qazaq ulttyq horeografiia akademiiasynda Halyqaralyq jas horeograftar baiqaýy ótti. Shyǵarmashylyq saiysqa Qazaqstan, Qyrǵyzstan, Belarýs, Ózbekstan, Resei, Bashqurtstan jáne Ázerbaijan elderiniń qatysýshylary jinaldy, dep habarlaidy Ult.kz.
Halyqaralyq qazylar alqasynyń quramyna salanyń bilikti mamandary kirdi. Olardyń qatarynda Reseidiń eńbek sińirgen ártisi, «Dostyq» ordeniniń II dárejeli kavaleri Konstantin Zaklinskii, halyqaralyq pedagog-horeograf Irma Kardano, «Gúlder» ansambliniń bas baletmeisteri, ónertaný kandidaty Anvara Sadykova boldy.
Baǵdarlama aiasynda baiqaý kórsetilimi, ulttyq bi boiynsha sheberlik sabaqtary, sondai-aq Irma Kardanonyń Hose Limon tehnikasyna negizdelgen sheberlik sabaǵy uiymdastyryldy. Sonymen qatar delegatsiia jetekshilerine arnalǵan «Óner salasyndaǵy joǵary oqý oryndarynyń tsifrly transformatsiiasy: syn-qaterler men múmkindikter» atty forým ótti.
Baiqaýdyń ekinshi kezeńinde 25 qoiylym kórsetildi. Jas horeograftar óz jumystarynda bi ónerin jańasha qyrynan tanytyp, ózindik qoltańbasyn aiqyn kórsetti.
Halyqaralyq baiqaý qorytyndysy boiynsha Olga Nikolaichýk (Máskeý) pen Baýyrjan Salaýatov (Astana) I dárejeli laýreat atandy. II dárejeli laýreat ataǵyna Álibi Iskandirov (Almaty) pen Ersultan Toiǵulov (Astana) laiyq dep tanyldy, III dárejeli laýreat ataǵyn Anna Borshova (Minsk) men Faim Kibirov (Almaty) ielendi.
Sondai-aq ulttyq dástúrdi saqtaý, shyǵarmashylyq izdenis pen kásibi sheberlik úshin arnaiy marapattar tabystaldy. Birqatar qatysýshyǵa Barcelona Ballet Project atynan jazǵy taǵylymdamaǵa joldama retinde sertifikattar berildi.
