Astanada KeshYou tobynyń 20 jyldyǵyna arnalǵan mereitoilyq kontsert kezinde fan-aimaqta eki er adam tóbelesip qaldy. Oqiǵaǵa qatysty politsiia tekserý júrgizip jatyr, dep habarlaidy ult.kz.
Janjaldyń videosy áleýmettik jelide tarady. Kadrlardan eki er adamnyń aldymen sózge kelip, keiin tóbeleskenin kórýge bolady.
Astana qalasy politsiia departamentiniń málimetinshe, qazir janjalǵa qatysqandardyń jeke basy anyqtalyp jatyr. Politsiia oqiǵanyń barlyq mán-jaiyn tekserýde.
«Tekserý nátijesi boiynsha janjalǵa qatysqandar zańnamaǵa sáikes jaýapkershilikke tartylady», – delingen politsiia habarlamasynda.
KeshYou tobynyń 20 jyldyǵyna arnalǵan kontsert 19 qyrkúiekte Astanadaǵy «Barys Arenada» ótti.
