5 qyrkúiek kúni Astana qalasynda «Qazaqkontsert» MKU-da Qazaqstan halqy tilderi kúnine arnalǵan saltanatty is-shara ótti.
Oǵan Qazaqstan Respýblikasy Parlamenti depýtattary, Qazaqstan halqy assambleiasynyń kórnekti qoǵam qairatkerleri, shyǵarmashylyq jáne ziialy qaýym, buqaralyq aqparat quraldary ókilderi, joǵary oqý oryndarynyń stýdentteri qatysty.
Merekelik sharada Qazaqstan Respýblikasy Mádeniet jáne sport ministri Arystanbek Muhamediuly quttyqtaý sóz sóiledi.
Mádeniet jáne sport ministri Arystanbek Muhamediuly merekelik sharany asha otyryp, Qazaqstan Úkimeti memlekettiń til saiasatyn tabysty iske asyryp jatqanyn atap ótti.
«Ótken jyly Qazaqstan Prezidenti «Qazaq tili álipbiin kirillitsadan latyn grafikasyna kóshirý týraly» Jarlyqqa qol qoidy. Ony iske asyrý úshin Úkimet janynan Ulttyq komissiia quryldy. Úkimet 2025 jyldarǵa deiin latyn grafikasyna kezeń-kezeńmen kóshirýdiń josparyn bekitti. Biz «Til-Qazyna» ulttyq ǵylymi praktikalyq ortalyq qurdyq. Qazir respýblikamyzda latyn grafikasyna negizdelgen jańa emle erejesi aprobatsiiadan ótýde», - dedi ministr.
Saltanatty merekelik is-shara aiasynda Qazaqstan Respýblikasy Mádeniet jáne sport ministrligi jáne «Qazaqstan» RTRK-nyń uiymdastyrýymen ótkizilgen respýblikalyq aqyndar baiqaýy qatysýshylarynyń «Elbasy jáne Elorda» óleńder jinaǵynyń tusaýkeseri bolyp ótti. Bul joba talantty qazaq jastaryn qoldaýǵa baǵyttaldy.
Merekege orai Arystanbek Muhamediuly Qazaqstan Respýblikasy Mádeniet jáne sport ministrliginiń Qurmet gramotalaryn qaýymdastyqtardyń kórnekti ókilderi, sondai-aq jetekshi sarapshylaryna jáne sala mamandaryna tabystady.
