Búgin elordada «Nur Otan» partiiasy atynan aldaǵy sailaýda Qazaqstan prezidenttigine úmitker Qasym-Jomart Toqaevty qoldaýshylardyń forýmy ótti, dep habarlaidy QazAqparat tilshisi.
Forýmǵa QR Tuńǵysh Prezidenti-Elbasy Nursultan Nazarbaev pen Memleket basshysy Qasym-Jomart Toqaev keldi. «Saryarqa» velotregi ǵimaratynda ótken osy aýqymdy sharaǵa el óńirlerinen kelgen jastar uiymdarynyń ókilderi, elordadaǵy JOO-lar stýdentteri, Parlament depýtattary, qoǵam jáne memleket qairatkerleri, óner juldyzdary, tanymal sportshylar qatysty.
Forým kezinde Qazaqstannyń árbir qalasynan sailaýǵa bailanysty joldanǵan quttyqtaýlarǵa arnalǵan videorolikter kórsetildi.
«Búgin biz asa mańyzdy sáttiń aldynda turmyz. 9 maýsymda elimiz óz bolashaǵy úshin daýys beredi. Biz birgemiz! Bizdiń kúshimiz birlikte! Birlik bar jerde - tirlik bar!», - dedi Qasym-Jomart Toqaev.
Osy oraida Memleket basshysy «Nur Otan» partiiasy naýqan kezinde úlken jumystardy atqarǵanyn aita kele: «Senimdi ókilderime, myńdaǵan volonterlerge, qoǵamdyq shtabtardyń barlyq múshelerine alǵys aitamyn. Biz búkil el boiynsha júz myńnan astam is-shara ótkizdik. Barshalaryńyzǵa úlken rizashylyǵymdy bildiremin», - dedi.
Búgingi forým elimizdiń óńirlerinen arnaiy kelgen óner juldyzdarynyń úlken kontsertine ulasty.
