Nur-Sultanda shaǵyn jáne orta biznes ókilderi úshin kólik qozǵalysyna ótinim berý avtomattandyryldy, dep habarlaidy "Ult aqparat".
«Ótinimdi msb.iqala.kz portalyna kompiýter nemese noýtbýk arqyly ǵana bere alasyz. Zańdy tulǵanyń elektrondyq tsifrlyq qoltańbasy qajet. Sondai-aq mynadai minimaldy málimetter jiyntyǵy qajet: uiymnyń biznes-sáikestendirý nómiri (BSN), júrgizýshiniń / jolaýshynyń JSN-y, avtokóliktiń tirkeý nómiri, bailanys telefony, elektrondyq poshtasy jáne qozǵalys maqsaty», – delingen ákimdik habarlamasynda.
Portal arqyly bir kompaniia úsh ótinimge deiin bere alady. Olardyń árqaisynda tórt avtokólikten kóp emes jáne ár avtokólike on qyzmetke deiin málimet berýge bolady. Ótinishter qalalyq jedel shtabta qaralyp, «Sergek» júiesine jiberiledi.
«Sergek» júiesinen málimet alynǵannan keiin ótinish berýshiniń elektrondyq poshtasyna ótinishti qaraý nátijesi týraly habarlama jiberiledi. «iQala» qalalyq qyzmet kórsetý ortalyǵy memlekettik qyzmet kórsetýdi jeńildetý jáne avtomattandyrý maqsatynda qurylǵan. Búgingi tańda iqala.kz portalynda Nur-Sultan qalasynyń túrli uiymdarynyń jeke jáne zańdy tulǵalaryna arnalǵan 129 qyzmet túri qoljetimdi», - dedi ákimdikten.
