Búgin tańerteń Astana qalasynda Tsiolkovskii kóshesimen Abai dańǵylyna qarai kele jatqan KamAZ toqtap turǵan 6 kólikti soqty. Júk kóliginiń júrgizýshisi qashyp ketken, - dep habarlaidy Tengrinews.kz tilshisi.
Elordalyq Politsiia departamenti málimetinshe, júrgizýshi birneshe metr júrgennen keiin kólikten túsip, oqiǵa ornynan ketip qalǵan. Qurban bolǵandar men zardap shekkender joq.
"Qazirgi ýaqytta júrgizýshiniń turǵylyqty jerin anyqtaý boiynsha izdestirý sharalary júrgizilip jatyr. Olardyń nátijesi boiynsha qoldanystaǵy zańnamaǵa sáikes sheshim qabyldanady", - dep qosty politsiiadaǵylar.
