Foto: Polisia.kz
Astana Politsiia departamentiniń JPQ rotasynyń komandiri para berýge itermeledi degen kúdikke ilindi, - dep habarlaidy "Ult aqparat" Antikor baspasóz qyzmetine silteme jasap.
Astana qalasy boiynsha Sybailas jemqorlyqqa qarsy qyzmet Astana qalasy Politsiia departamentiniń jol-patrýldik qyzmet rotasynyń komandirine qatysty sotaldy tergeý júrgizip jatyr.
"Laýazymdy adam azamattyq is boiynsha oń sheshim qabyldaǵany úshin prokýratýra janyndaǵy Materialdyq-tehnikalyq qamtamasyz etý basqarmasynyń burynǵy qyzmetkeri "J" arqyly sot júiesiniń qyzmetkerlerine iri mólsherde para berýge itermeledi dep kúdiktenedi.
"J" prokýratýrada ákimshilik laýazymdy atqara otyryp, jedel qyzmetker bolmaǵan. Qylmys jasaý kezinde jumyssyz bolǵan. Biyl 8 maýsymda tergeý sotynyń sanktsiiasy boiynsha atalǵan adamdar qamaýǵa alyndy. Sotaldy tergep-tekserý jalǵasyp jatyr", - delingen habarlamada.
QR QPK 201-babyna sáikes tergeý múddesi úshin ózge aqparat jariia etýge jatpaidy. Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
