Foto: energyprom.kz
Elordada alaiaqtyqqa qatysy bar kúdikti ustaldy, - dep habarlaidy «Ult aqparat» Polisia.kz saityna silteme jasap.
Politsiia qyzmetkerleri memlekettik baǵdarlama boiynsha ipotekalyq nesie alýǵa kómektesemin degen syltaýmen 25 epizod boiynsha alaiaqtyq jasady degen kúdikpen elorda turǵynyn anyqtaǵan.
"Jábirlenýshiler kelisimshartsyz kúdiktiniń bank kartasyna aqsha aýdarǵandaryn bildi. Osylaisha, politsiiaǵa 44 jastaǵy elorda turǵyny júginip, tanystarynyń keńesimen áieldiń kómegine júgingenin aityp aryzdanǵan. Ipotekalyq nesiege baspana alýǵa kómek kórsetý úshin, alaiaq odan shamamen 2 million teńge kóleminde qarajat suraǵan", - delingen habarlamada.
Alaiaqtyq boiynsha sotaldy tergeý amaldary júrgizilip jatyr. Kúdikti moiyndaý kórsetpelerin berdi. Onyń aqshany jeke qajettilikterine jumsaǵany anyqtaldy.
