Astanada ózin konsaltingtik kompaniia qyzmetkeri retinde tanystyryp, memlekettik grant rásimdeýge kómektesemin degen kúdikpen 29 jastaǵy azamat ustaldy, dep habarlaidy ult.kz.
Tergeý málimetinshe, kúdikti jábirlenýshiniń senimine kirip, qysqa merzim ishinde memlekettik grant alyp berýge ýáde etken. Ol grantty maquldatý, qujattardy ázirleý jáne túrli uiymdastyrý shyǵyndaryn alǵa tartyp, birneshe ret aqsha alǵan.
Alaida ýáde etilgen grant rásimdelmegen. Politseilerdiń aitýynsha, alynǵan qarajat kúdiktiniń jeke qajetine jumsalǵan.
Saldarynan jábirlenýshi 4 million teńge kóleminde materialdyq shyǵynǵa ushyraǵan.
Qazirgi ýaqytta atalǵan derek boiynsha sotqa deiingi tergeý júrgizilip jatyr. Quqyq qorǵaý organdary kúdiktiniń osyǵan uqsas ózge de alaiaqtyq áreketterge qatysy bar-joǵy anyqtalyp jatyr.
