Mádeniet jáne sport ministrliginiń Astanada EXPO-2017 halyqaralyq kórmesin ótkizý aiasynda is-sharalardy ótkizýge qansha aqsha jumsaityny belgili boldy. Vedomstvo basshysy baspasóz konferentsiiasy barysynda qansha qarajat ketetinin aitty, - dep habarlaidy kaz.tengrinews.kz.
"Qazirgi ýaqytta barlyq mádeni-sporttyq sharaǵa 9 milliard teńge jumsalaiyn dep tur. Bul qarajattyń 90 paiyzy bizdiń qazaqstandyq toptardyń is-sharalaryn uiymdastyrýǵa baǵyttalǵan. Qazaqstandyq shyǵarmashylyq toptardyń kontsertterin óz moinymyzǵa alamyz", - dedi Arystanbek Muhamediuly bul somaǵa Dimash Qudaibergenniń kontsertin uiymdastyrýǵa jumsalatyn aqshanyń qosylǵanyn aita otyryp.
Al qarajattyń qalǵan 10 paiyzy, onyń aitýynsha, sheteldik is-sharalardy uiymdastyrýǵa kómek retinde jumsalady. Ministr aqshanyń ishki shyǵyndarǵa, iaǵni, sheteldik qatysýshylardyń turatyn jeri, kontsert pen kórmelerdi ótkizýge bolatyn jerlerdi uiymdastyrýǵa jumsalatynyn aitty.
Ministr mundai sharalardyń qataryna "La Skala" teatrynyń kelýin, Plasido Domingomen "Operaliia" baiqaýyn uiymdastyrýdy, Mariinsk teatrynyń óneri, Ermitajdyń "Orýjeinoe iskýsstvo" jańa toptamasy, "Máskeý-Astana-Beijiń" ralli-shoýy men basqa da is-sharalardy qosty.
Eske sala keteiik, osyǵan deiin ministr Dimash Qudaibergenniń Astanada Lara Fabianmen birge án salatynyn aitqan bolatyn. "Biz qazir kelissózderdi belsendi júrgizip jatyrmyz, Lara Fabianmen jáne aǵaiyndy Meladzelermen kelisim bar, basqa qatysýshylarmen de kelissóz júrgizip jatyrmyz. Basty figýra - Dimash Qudaibergen. Biz onymen qýana-qýana birge án salatyn oryndaýshylardy shaqyramyz. Menińshe, eki apta ishinde barlyq tehnikalyq máseleni retteimiz. Qarapaiym ǵana jeke kontsert emes, úlken shoý ótkizgimiz keledi", - degen edi ministr.
