Sýret: QR Mádeniet jáne aqparat ministrligi
Búgin QR Mádeniet jáne aqparat ministri Aida Balaeva Euronews direktorlar keńesiniń tóraǵasy Pedro Vargas Davidpen kezdesti. Kezdesý barysynda taraptar Qazaqstannyń Euronews-pen yntymaqtastyǵy týraly memorandýmǵa qol qoidy, dep habarlaidy "Ult aqparat" QR Mádeniet jáne aqparat ministrliginiń baspasóz qyzmetine silteme jasap.
Ministr Aida Balaeva Euronews óńirlik ókildiginiń ashylýynyń mańyzdylyǵyn atap ótti.
"Euronews óńirlik ókildiginiń ashylýy – arnanyń halyqaralyq aýditoriiaǵa Qazaqstannyń ekonomikalyq, saiasi, áleýmettik jáne mádeni damýyn jan-jaqty nasihattaýyna úlken múmkindik beredi", - dedi ol.
Bul ókildik qazaqstandyq jýrnalister úshin kóptegen múmkindikter ashady. Kezdesý barysynda otandyq telearna qyzmetkerleriniń biliktiligin arttyrýǵa arnalǵan oqytý treningteri men sheberlik synyptaryn ótkizý máselesi talqylandy. Bul sharalar qazaqstandyq BAQ ókilderiniń kásibi deńgeiin kóterýge yqpal etedi.
Pedro Vargas David memorandýmǵa qol qoiýdyń qysqa ýaqytta júzege asyrylǵanyn atap ótip, eki taraptyń yntymaqtastyqqa úlken múddelilik tanytqanyn aitty.
"Biz úshin qazaqstandyq jýrnalisterdi jan-jaqty qoldaý mańyzdy. Biz ortaq jumys úshin eýropalyq jýrnalisterdi Qazaqstanǵa ákelip qana qoimai, qazaqstandyq BAQ arasynda jańa tulǵalardy, talantty jastardy izdeitin bolamyz", – dedi ol.
Ministr Aida Balaeva Qazaqstanda kásibi ári myqty redaktsiia qurý úshin barlyq múmkindikter bar ekenin aitty.
"Búgin tarihi kún. Qazaqstanda Euronews keńsesiniń ashylýy el úshin mańyzdy kezeńderdiń biri. Qazaqstannyń halyqaralyq arenadaǵy media keńistikte óz orynyn tabýǵa kómektesetin mańyzdy jobanyń bir bóligi bolý – biz úshin úlken mártebe", - dep atap ótti Qazaqstandaǵy Euronews jobasynyń resmi ókili Ásel Qojaqova.
Taraptar budan ári mediany damytýǵa jáne halyqaralyq aqparat almasýdy nyǵaitýǵa baǵyttalǵan birlesken jobalar men bastamalardy júzege asyrýǵa ózara yntymaqtastyq ornatýǵa múddeli ekenin bildirdi.
