Qazaqstan Jazýshylar odaǵy QR Mádeniet jáne sport ministrliginiń qoldaýymen Elbasymyzdyń «Rýhani jańǵyrý» baǵdarlamasy aiasynda 2018 jyldyń 20-21 qyrkúiek kúnderi aralyǵynda «Qazirgi zamanǵy sóz energiiasy» atty Eýraziialyq ádebi forým ótkizgeli otyr. Atalǵan forým Elordamyzdyń 20 jyldyǵyna arnalady.
Forým Eýraziia halyqtarynyń kórkem ádebietin tanymal etý, ulttyq mádeniet ókilderiniń arasyndaǵy bailanysty nyǵaitý, biryńǵai eýraziialyq ádebi keńistikti qalyptastyrý, sondai-aq, jastar arasynda talanttardy anyqtaý maqsatynda ótkiziledi.
Dál osyndai aýqymdy forým 1973 jyldan beri araǵa 45 jyl salyp Elordamyz Astana qalasynda ótpekshi. Bul biylǵy jyldyń intellektýaldyq resýrstardy jinaqtaityn jáne halyqaralyq yntymaqtastyq pen mádeni suhbattardy damytýǵa arnalǵan eń iri ádebi jobasy bolmaq.
XXI ǵasyrdaǵy jahandyq mádeniettiń kún tártibindegi máseleleri sóz bolatyn forýmǵa Eýraziia qurlyǵynyń túkpir-túkpirinen shet el qalamgerleri (Ulybritaniia, Germaniia, Qytai, Resei, Túrkiia, Latviia, Vengriia, Polsha, Moldova, Armeniia, Ýkraina, Bolgariia, Mońǵoliia, Azerbaijan jáne ózge de memleketter) qatysady.
Forým aiasynda belgili jazýshylar men ádebiet synshylarymen toptasqan konferentsiialar, dóńgelek ústelder jáne shyǵarmashylyq kezdesýler, kitap kórmesi men sektsiialar uiymdastyrylady.
Ádebiet tynysyn zerdeleýge arnalǵan forýmdy ótkizý elimizdiń álemdik ádebi keńistiktegi integratsiiasyna mol septigin tigizip, mádeni bailanystyń óristeýine jol ashpaq.
Forým baǵdarlamasy:
20 qyrkúiek
Saǵ.10.00-de forýmnyń saltanatty ashylý rásimi jáne «Ádebiet jáne jahandyq máseleler», «Aimaqtyq ádebietterdiń damýy» taqyryptary boiynsha plenarlyq otyrys, «Zamanaýi Eýraziialyq ádebiet» kitap kórmesi.
Ótetin oryny: Táýelsizdik Saraiy Táýelsizdik dańǵ. 52.
21 qyrkúiek
Saǵ.10.00 men 13.00 aralyǵynda 4 sektsiia boiynsha:
1.«Jańa zaman poeziiasy: kóteretin negizgi taqyryptar men máseleler»,
2.«Jańa zaman prozasy: kóteretin negizgi taqyryptar men máseleler»,
3.«Dramatýrgiianyń ózekti máseleleri»,
4.«Qazirgi aýdarma isiniń hal-ahýaly» taqyryptarynda basqosýlar.
Qosymsha: Forým aiasynda Qazaqstan Jazýshylar odaǵy men Iran jazýshylarynyń qaýymdastyǵy arasyndaǵy yntymaqtastyq memorandýmǵa qol qoiylady.
Ótetin oryny: «Hilton Garden Inn Astana» qonaq úii, Qabanbai batyr dańǵ. 15.
Qazaqstan-Resei qalamgerleriniń kezdesýi ótedi. (QR Ulttyq Akademiialyq kitaphana, Dostyq kóshesi 11).
