Foto: Videodan skrin
Áleýmettik jelide belgisiz er adamnyń jetkinshekti pyshaqtap ketken videosy tarady. Oqys oqiǵa beinebaqylaý kamerasyna túsip qaldy, dep habarlaidy «Ult aqparat» Stan.kz -ke silteme jasap.
Beinejazbadan er adamnyń ózinen birneshe qadam alysta turǵan jasóspirimge atylǵanyn kórýge bolady. Sondai-aq balanyń anasy oqiǵa bolǵan soń 40 minýttan keiin kelgenin aitty.
Bolǵan jaǵdaiǵa qatysty Astana qalasynyń politsiiasynyń málimetinshe, balany úsh jerden pyshaqtaǵan.
“Sol jaqta bel aimaǵyndaǵy búirek ornalasqan jer, jaýyrynnyń ústińgi jaǵy, iaǵni oń iyǵy jáne oń qolynyń tamyr ornalasqan jerin pyshaqpen jaraqattaǵan. Buryn birneshe ret sottalǵan, atap aitqanda 2001 jylǵy 10 maýsymda QK-niń 103, 178-babymen 5 jylǵa bas bostandyǵynan aiyrylǵan, 2007 jylǵy 11 mamyrda 130, 179, 120-baptary boiynsha sottalǵan,2007 jylǵy 11 mamyrda QK-niń 130, 179, 120, 121-baptary boiynsha 16 jylǵa bas bostandyǵynan aiyrylyp, 2024 jylǵy 9 aqpanda QK-niń 200-babynyń 1-bóligimen 1 jylǵa bas bostandyǵynan shektelgen Sadýev S.O. merzimin tolyqtai ótegen joq. 42 jastaǵy kúdikti áli probatsiialyq baqylaýda. Ol buǵan deiin birneshe ret sottalǵanyna dáne qazir probatsiialyq baqylaýda bolǵanyna qaramastan, taǵy bir qylmys jasady”, – delingen habarlamada.
