Sýret: Polisia.kz
Astanada er adam tanysynyń qymbat kóligin órtep jibergen, - dep habarlaidy Polisia.kz.
Tańerteń saǵat 05.50-de politsiiaǵa Hyundai Tucson avtokóliginiń órtengeni týraly habarlama kelip tústi. Kólik Kúishi Dina kóshesindegi turǵyn úidiń aýlasynda bolǵan. Shaqyrý boiynsha kelgen politseiler 42 jastaǵy er adamdy kóliktiń janynan ustaǵan.
"Ol mas kúide jeke jekkórýshilik qarym-qatynas saldarynan tanysynyń kóligin órtep jibergeni anyqtaldy. Qolaily sátti kútken er adam túnde tanys áieldiń aýlasyna kelip, kólikke benzin shashyp, ony órtep jibergen. Janý saldarynan jábirlenýshiniń kóligi eleýli zaqym aldy, oǵan 19 million teńge kóleminde múliktik shyǵyn keltirildi", - delingen habarlamada.
Oqiǵa ornyna kelgen órt sóndirý qyzmetiniń qyzmetkerleri órtti sóndirgen. Bótenniń múlkine qasaqana zaqym keltirý deregi boiynsha sotaldy tergep-tekserý júrgizilip jatyr. Kúdikti er adam PD ýaqytsha ustaý izoliatoryna qamalǵan.
