Astanada aqsha aiyrbastaý pýnktine qarýly er adam shabýyl jasady.
"Aqsha aiyrbastaý pýnktine jasalǵan qarýly shabýyl sáti videoǵa túsip qaldy. Oqys oqiǵa 30 sáýirde saǵat 18:30-da bolǵan", – delingen video sipattamasynda.
Meditsinalyq betperde taqqan er adam mekeme qyzmetkerinen aqshany tezirek ózine berýin suraidy. Sóz barysynda ol qolyna rezeńke qolǵap kiedi. Qaraqshynyń janynda tapanshasy bar bolyp shyqty.
"Ótinemin, qolyńyzdy kóterińiz. Meniń qolymda granata bar, qazir ony tastap jiberemin. Renjimeńiz. Ótinemin, qolyńyzdy kóterińiz. Shynymdy aitsam, osyndai qadamǵa barýǵa májbúrmin. Aqsha tóleýim kerek. Tezirek, qazir tastap jiberemin", – dep qorqytady tapanshasyn oqtaǵan qaraqshy.
Qaladaǵy politsiia departamenti aqsha aiyrbastaý pýnktinde qaraqshynyń ustalǵanyn málimdedi. Tártip saqshylarynyń aitýynsha, shabýyl jasaǵan adam "izin sýytpai" anyqtaldy. Ol ustalyp, ýaqytsha ustaý izoliatoryna jetkizildi. Kúdikti óziniń qylmystyq josparyn istei almady. Sebebi kassir dabyl túimesin basqan, muny estigen qaraqshy iz sýytyp úlgergen.
Sonymen qatar politsiia kúdikti er adamnan oiynshyq tapansha tárkilengenin habarlady. Qylmystyq is tergelip jatyr.
