Astanada endi jedel járdem dárigerleri shaqyrtýlarǵa taksimen barady, dep habarlaidy "Ult aqparat" Astana qalasynyń qoǵamdyq densaýlyq saqtaý basqarmasyna silteme jasap.
«Kútý ýaqytyn qysqartý maqsatynda qalalyq jedel meditsinalyq járdem stantsiiasy kólik quraldaryn jaldaý shartyn jasasty. Mundai kólik quraldary jedel járdem brigadasy jedeldiktiń 3-4 sanaty boiynsha shaqyrtýlarǵa shyǵýy úshin qarastyrylǵan. Atalǵan sanattar boiynsha patsientti tasymaldaý, sondai-aq kólikti meditsinalyq jabdyqtarmen jaraqtandyrý talap etilmeitinin atap ótken jón», – dep málim etti Astana qalasynyń qoǵamdyq densaýlyq saqtaý basqarmasynan.
