Foto: ashyq derekkóz
Astanadaǵy «Qazanat» ippodromynda 19–20 shilde kúnderi ulttyq taǵamdar men qymyzǵa arnalǵan aýqymdy «BaiQymyz» gastrofestivali ótedi. Bul sharaǵa elimizdiń túkpir-túkpirinen 50-ge jýyq qymyz óndirýshi jáne jylqy sharýashylyǵy ókilderi qatyspaq, dep habarlaidy Ult.kz.
Festival qonaqtary eki kún boiy qymyzdyń túrli túrlerinen dám tatyp, qazaq jylqy tuqymdarymen tanysa alady. Jaby, Kóshim, Muǵaljar, Qostanai, Adai sekildi jylqy tuqymdary usynylatyn kórmede asyl tuqymdy jylqylardyń aýktsiony da ótedi.
Festival aiasynda ótetin «Eń úzdik qymyz» baiqaýynyń jeńimpazdaryna 45 million teńge kóleminde júlde qory qarastyrylǵan:
-
I oryn – 20 mln tg
-
II oryn – 15 mln tg
-
III oryn – 10 mln tg
Sonymen qatar, qymyzdyń emdik qasietteri men jylqy sharýashylyǵynyń bolashaǵyna arnalǵan ǵylymi konferentsiia uiymdastyrylady. Germaniia, Resei, Qyrǵyzstan jáne Qazaqstannan kelgen ǵalymdar, veterinarlar men kásipkerler tájiribe almasady.
Sheberlik sabaqtarda:
-
Qymyzdy saqtaý jáne kapsýla túrinde óndirý tásilderi
-
Teri ileý, at ábzelderi men ulttyq buiym jasaý ádisteri kórsetiledi.
Ulttyq sport túrleri de nazardan tys qalmaidy. Qatysýshylar aýdaryspaq, qumai tazy jarysy, asaý úiretý, shalma salý, jilik syndyrý men meshkeiler saiysy syndy erekshe jarystardy tamashalai alady.
Bul festival qazaqtyń ulttyq taǵamy – qymyzdy dáripteýmen qatar, jylqy sharýashylyǵy men dástúrli ónerdi damytýǵa serpin beretin mańyzdy alań bolmaq.
