Astanadaǵy ortalyq saiabaqtaǵy skverlerdiń biri Ulybritaniia patshaiymy Elizaveta II qurmetine ataldy, - dep habarlaidy "Ult aqparat" Tengrinews.kz saityna silteme jasap.
Patshaiym Elizaveta II atyndaǵy skverdiń ashylýyna Ulybritaniianyń Syrtqy ister ministri Djeims Kleverli qatysty.
Skver Qabanbai batyr dańǵylynda, "Saltanat saraiy" kesheni men St. Regis Astana qonaq úiiniń arasynda ornalasqan.
"Patshaiym Elizaveta II dúniejúzi boiynsha kóp adamǵa úlgi boldy jáne bul bizdiń el árqashan maqtan tutatyn nárseniń biri. Biz buǵan deiin bul skver týraly jáne ony patshaiymnyń atymen ataý jaily sóilesken edik, sodan keiin múmkin bolsa, ashylýyna kelgim kelip edi", - dedi Djeims Kleverli.
Eske salaiyq, búgin Ulybritaniianyń Syrtqy ister ministri Astanaǵa keldi. Ol Qazaqstanǵa alǵashqy sapary barysynda syrtqy ister vitse-ministri Roman Vasilenkomen kezdesti. Keiin ony Prezident Qasym-Jomart Toqaev pen Premer-ministr Álihan Smaiylov qabyldady.
