Nur-Sultan qalasynda elektr samokattardy jalǵa berý platformasy iske qosyldy, dep habarlaidy "Ult aqparat".
Elorda ákimdiginen málim etkendei, samokattardy jalǵa alýdyń jumys printsipi – kez kelgen qala turǵyny statsionarlyq stantsiiada samokatty alyp, qajetti mekenjaiǵa jetip, ony jaqyn ornalasqan stantsiiada qaldyra alady.
Elektr samokatty paidalaný úshin Jet mobildik qosymshasyn júkteý qajet. Telefon nómiri boiynsha tirkelip, tólem jasaý úshin bank kartasyn qosymshamen bailanystyrý kerek. Transportty qoldanar kezde: samokatty tańdaý, QR-kodty skanerleý, qolaily tarifti tańdaý júzege asyrylady.
«Qazirgi ýaqytta qalanyń sol jáne oń jaǵalaýynda samokatty alýǵa nemese qaldyrýǵa bolatyn 60-tan astam oryn bar. Elektr samokattardyń ornalasqan jeri, zariad dárejesi týraly derekter JET qosymshasynda bolady. Sondai-aq, tańdalǵan samokatty tolyǵymen tegin brondaý múmkindigi de bar», - delingen ákimdik aqparatynda.
Samokatty jalǵa alý quny:
Dúisenbi – beisenbi aralyǵynda saǵat 00:00-den 11:59-ǵa deiin – 30 tg (1 min)
Dúisenbi – beisenbi aralyǵynda saǵat 12:00-den 23:59-ǵa deiin – 35 tg (1 min)
Juma - jeksenbi aralyǵynda saǵat 00:00-den 23:59-ǵa deiin – 35 tg (1 min)
Qazirgi ýaqytta qalada 100 samokat iske qosyldy jáne aldaǵy ýaqytta olardyń sanyn 1 myńǵa arttyrý josparlanýda.
