Astana sybailas jemqorlyqqa qarsy is-qimyl ulttyq biýrosy departamenti QR Aýyl sharýashylyǵy ministrligi Sý resýrstary komiteti Ekonomika, biýdjettik josparlaý jáne býhgalterlik esep basqarmasynyń basshysy M.K.Myrzataevtyń qylmystyq áreketiniń jolyn kesti, dep habarlaidy "Ult aqparat" vedomstvonyń baspasóz qyzmetine silteme jasap.
Kúdikti jeńimpaz dep taný úshin jáne kelisimshart boiynsha qarjyny tez aýdarý úshin memlekettik satyp alý qatysýshylarynan júieli negizde para alyp otyrǵan.
M.K.Myrzataev kezekti ret 4,3 mln teńge parany alyp jatqan kezde ustaldy.
Budan bólek, ol 9 qazanda merdiger uiymnyń múddesin kózdei otyryp, 1 mln teńge somasyndaǵy parany QR Qarjy ministrligi Ishki memlekettik aýdit komitetiniń bas sarapshysy E.B. Medeýbekovke tenderdiń nátijesin joqqa shyǵarý úshin bergen.
Dál sol kúni M.K.Myrzataev pen E.B. Medeýbekov IID ýaqytsha ustaý oqshaýlaǵyshyna qamaldy.
Sotqa deiingi tergeý jumystary júrgizilip jatyr.
