8-13 qyrkúiek aralyǵynda Astanada etnikalyq sport túrleri boiynsha halyqaralyq sporttyq jarystar – V Dúniejúzilik kóshpendiler oiyndary ótedi. Is-sharaǵa 89 elden eki myńnan astam adam qatysady, dep habarlaidy elorda ákimdiginiń resmi saity.
Oiyndar úsh baǵyt, iaǵni sport, mádeniet jáne ǵylym boiynsha ótedi.
Dúniejúzilik kóshpendiler oiyndarynyń infraqurylymyna elordalyq 6 nysan kirdi: "Astana-Arena" stadiony, "Qazanat" ippodromy, J. Úshkempirov atyndaǵy Jekpe-jek saraiy, "Alaý" Muz aidyny saraiy, "Qazaqstan" jeńil atletikalyq sport kesheni, "Dýman" kesheni.
"Qazanat" ippodromynda jáne Etnoaýyl aýmaǵynda at jarysy, dástúrli sadaq atý jáne qustarmen ań aýlaýdyń ulttyq túrleri boiynsha jarystar, sondai-aq at jarystary ótedi. J. Úshkempirov atyndaǵy Jekpe-jek saraiy men "Alaý" muz aidyny saraiynda ulttyq kúres, jekpe-jek jáne halyq oiyndary boiynsha jarystar, "Dýman" kesheninde dástúrli ziiatkerlik oiyndar ótedi. "Qazaqstan" jeńil atletikalyq sport kesheninde Akkreditteý jáne jabdyqtaý ortalyqtary ornalasatyn bolady.
Oiyndardyń ǵylymi baǵdarlamasynyń is-sharalary QR Ulttyq mýzeiinde ótedi.
Ońtústik-batys jaǵynan "Qazanat" ippodromyna irgeles 10 ga aýmaqta ornalasqan "Kóshpendiler álemi" etnoaýyly VIK mádeni baǵdarlamasyn iske asyrý úshin basty alań bolady, sondai-aq mádeni baǵdarlama sheńberindegi is-sharalar Astananyń túrli alańdarynda (alańdar, saiabaqtar, skverler, basqa da qoǵamdyq keńistikter, teatrlar, Kontsert zaldary, kinoteatrlar, murajailar, kórme pavilondary jáne t. b.) ótedi.
Sporttyq baǵdarlama jarystardy sporttyń 21 túrinen qamtidy. Onyń ishinde:
* Asyq atý
* Ordo
* Arqan tartys
* Báige
* Kókpar
* Aýdaryspaq
* Teńge ilý
* Qazaq kúresi
* Ashyrtmaly aba gúreshi
* Koresh (belbeý tatar kúresi)
* Kókborýý
* Alysh
* Mas-restling
* Powerful nomad (alyptar saiysy)
* Toǵyzqumalaq (toǵyzqorǵul)
* Mangala
* Ovari
* Jamby atý
* Dástúrli sadaq atý
* Qusbegilik
* Qurash (ózbek kúresi)
Oiyndarda 100-ge jýyq medal jiyntyǵy oinatylady.
