Qazaqstan astanasynda eki kúnge sozylǵan Astana FIDA Drone Soccer Open Cup 2026 halyqaralyq týrniri óz máresine jetti. Jarysqa Qazaqstannyń túrli óńirlerinen kelgen 20-ǵa jýyq komanda, sondai-aq Túrkiiadan kelgen komanda qatysty.
Týrnir Drone Soccer Class 20 sanatynda ótti. Eki kúnge sozylǵan jarys barysynda qatysýshylar joǵary daiyndyq deńgeiin, shapshańdyqty, drondardy dál basqarý sheberligin, komandalyq úilesimdilik pen taktikalyq oilaý qabiletin kórsetti.
Jarys qorytyndysy boiynsha júldeli oryndar tómendegidei bólindi:
I oryn — «Surprise» komandasy, Astana qalasy, II oryn — «SkyWings» komandasy, Aqtóbe qalasy, III oryn — «Qara Steed» komandasy, Astana qalasy.
Astana FIDA Drone Soccer Open Cup 2026 Qazaqstannyń túrli óńirlerinen kelgen komandalar men sheteldik qatysýshylardyń basyn qosyp, tájiribe almasýyna jáne dron-fýtboldy keńinen nasihattaýǵa múmkindik bergen alańǵa ainaldy.
Týrnirdiń halyqaralyq mártebesi dron-fýtbolǵa degen qyzyǵýshylyqtyń artyp kele jatqanyn jáne onyń sport pen injenerlik-tehnikalyq bilim berýdi damytýdaǵy áleýetin kórsetedi.
Jarysty ótkizý Qazaqstanda dron-fýtboldy damytýǵa, jas pilottardy daiarlaýǵa, ushqyshsyz tehnologiialardy basqarý daǵdylaryn jetildirýge jáne osy baǵyttaǵy kásibi qaýymdastyqty qalyptastyrýǵa baǵyttalǵan júieli jumystyń bir bóligi bolyp tabylady.
