Astanada 13 qyrkúiekte Dimash Qudaibergen jeke kontsert ótkizedi. Bul týraly ánshi Instagram paraqshasynda aitty, dep habarlady "Ult Aqparat".
Dimashtyń keshi 8-14 qyrkúiek aralyǵynda ótetin V Dúniejúzilik kóshpendiler oiyndary aiasynda uiymdastyrylady.
Dúnie júziniń 100 den astam memleketinen túrli saiystarǵa qatysý úshin 4 myńnan astam sportshylar keledi dep kútiledi. Osy ádemi mereke aiasynda Mádeniet jáne aqparat ministrliginiń qoldaýymen , «DimashAli» shyǵarmashylyq ortalyǵynyń uiymdastyrýymen «Astana arenada» meniń «Stranger» atty jeke kontsertim ótedi. Biletter satylymyna qatysty aqparat jaqyn kúnderi beriledi, – dep jazylǵan jazbada.
