Foto: © Reuters
Astananyń qylmystyq ister jónindegi mamandandyrylǵan aýdanaralyq áskeri soty Aqtaý garnizonynyń burynǵy áskeri qyzmetshisine qatysty úkim shyǵardy. Oǵan 11 jastaǵy qyzyn birneshe ret zorlady degen aiyp taǵylǵan bolatyn, - dep habarlaidy Tengrinews.kz saity Bas áskeri prokýratýra baspasóz qyzmetine silteme jasap.
"Sot úkimi boiynsha, eks-áskeri qyzmetker QR QK-nyń 120-baby 4-bóligi "Kámeletke tolmaǵandy zorlaý", 121-baby 4-bóligi "Seksýaldyq sipattaǵy zorlyq-zombylyq áreketteri" jáne 124-baby 3-bóligi "Jas balalardy azǵyndyq jolǵa túsirý" boiynsha qylmystyq-atqarý júiesiniń tótenshe qaýipsizdik mekemesinde qamaýǵa ala otyryp, ómir boiyna bas bostandyǵynan aiyrý jazasyna kesildi.
Sondai-aq, úkimde burynǵy áskeri qyzmetkerge qatysty himiialyq kastratsiia túrindegi májbúrleý sharalaryn qoldaný qarastyrylǵan", - delingen habarlamada.
Sot málimetinshe, er adam áskeri qyzmeti kezinde, 11 jastaǵy qyzynyń dármensiz kúiin paidalanyp, birneshe ret jynystyq zorlyq-zombylyq kórsetken.
Sottalýshynyń kinási jábirlenýshi men kýálardyń aiǵaqtary, sot-meditsinalyq saraptamalardyń qorytyndylary jáne qylmystyq istiń basqa da materialdarymen tolyq dáleldengen.
Sot jaryssózinde memlekettik aiyptaýshy jasalǵan áreketterdiń aýyrlyǵyn eskere otyryp, sottalýshyǵa ómir boiyna bas bostandyǵynan aiyrý jazasyn qoldaný qajettigi týraly bultartpas dálelder keltirdi.
Úkim zańdy kúshine engen joq.
