Esil aýdany PB kriminaldyq politsiia qyzmetkerleri birqatar urlyqqa qatysy bar degen kúdikpen 19, 22 jastaǵy eki azamat pen 22 jastaǵy azamatshany anyqtady, dep habarlaidy "Ult aqparat".
Tergeý barysynda qaskúnemderdiń ońai olja izdep, elordanyń saýda úilerindegi brendtik býtikterdi aralap, urlyq jasaǵandary anyqtaldy. Olar tipti, urlyqqa qarsy magnitterdi sheshpei, taýardy zaldan bildirtpei alyp shyǵý tásilin oilap tapqan. «Iske» shyqpas buryn qaskúnemder arnaiy sómkeniń ishine folgany oraǵan. Dúkenderge kelgende kiim-keshekterdi «arnaiy» sómkelerine jasyryn salyp, erkin saýda zaldarynan alyp shyqqan. Osylaisha birneshe dúkenge 100-500 myń teńge arasynda materialdyq shyǵyn keltirgen.
Atalǵan faktiler boiynsha qylmystyq is qozǵaldy. Olardyń elordada jasalǵan osyǵan uqsas basqa da qylmystarǵa qatystylyǵy tekserilýde.
