Foto: POLISIA.KZ
Elordada bir kún ǵana jumys istegen áiel úi iesin tonap ketken. Politsiia qyzmetkerleri altyn buiymdaryn urlady degen kúdikpen 39 jastaǵy áiel adamdy anyqtady, - dep habarlaidy "Ult aqparat" IIM Telegram-arnasyna silteme jasap.
Belgili bolǵandai, qaskúnem «úi kómekshisi» bolyp jumysqa ornalasqan. Ol kiim aýystyratyn bólmeni jinap júrgen ýaqytta altyn buiymdardy jymqyrǵan. Urlyq jasaý sátinde úi ieleri páterde bolǵan. Jumys berýshi politsiiaǵa habarlasqan. Keltirilgen shyǵyn kólemi 1 million teńgege baǵalanyp otyr.
"Politseiler urlanǵan zattardyń barlyǵyn tapty. Anyqtalǵandai, ury olardy lombardqa tapsyrǵan, altyn buiymdar sol jerden tárkilengen. Qylmystyq jolmen sanaly túrde alynǵan múlikti iemdený nemese satý qylmystyq jaýapkershilikke tartylatynyn esterińizge salamyz", - dedi Esil aýdandyq politsiia basqarmasy bólim bastyǵy Sáken Alaýhanov.
Atalǵan fakti boiynsha sotqa deiingi tergep-tekserý amaldary júrgizilýde. Áiel adam kinásin moiyndap, onyń elordada jasalǵan osyǵan uqsas qylmystarǵa qatystylyǵy boiynsha tergeý júrip jatyr.
