Foto: pixabay.com
Astanada 5 jasar qyz zorlandy. Politsiia qylmystyq is qozǵady, - dep habarlaidy "Ult aqparat".
"NeMolchi" qorynyń jetekshisi Dina Tańsáriniń aitýynsha, anasy jumysqa ketkende qyz ákesimen úide qalǵan. Keiin ákesine tanysy kelip, ekeýi ishimdik ishe bastaǵan.
"Bir kezde bul er adam qyzdy ońasha aparyp zorlaǵan. Anasy tańǵy 6-da kelgende, qyzdy osy er adamnyń janynan taýyp alǵan. Qyz qorqyp: "Anashym, qaida kettińiz? Myna aǵa aýyrtty", - dep jylaǵan" - dedi Tańsári.
Astana qalasy Politsiia departamenti baspasóz qyzmetiniń málimetinshe, atalǵan derekke qatysty Esil aýdandyq politsiia bólimi 8 naýryzda QR QK 124-baby boiynsha (Jas balalardy azǵyndaý) sotaldy tergep-tekserýdi tirkegen.
"Saraptamalar taǵaiyndaldy, onyń qorytyndysy boiynsha protsessýaldyq sheshim qabyldanady. Qylmystyq-protsestik kodekstiń 201-baby negizinde, tergeý múddesi úshin sotaldy tergep-tekserýdiń ózge de derekteri jariia etilmeidi", - delingen habarlamada.
