Búgin Astanada Májilis Spikeri N. Nyǵmatýlinniń tóraǵalyǵymen Innovatsiia, tehnologiia jáne bilim máseleleri jónindegi Astana Parlamentaralyq forýmy bastaldy, dep habarlaidy "Ult aqparat" QR Parlamenti Májilisi Apparatynyń Baspasóz qyzmetine silteme jasap.
20 dan astam elderdiń parlamentshileri men sarapshylary, sondai-aq, halyqaralyq uiymdardyń ókilderi jinalǵan mańyzdy forýmda Májilis Tóraǵasy qatysýshylarǵa quttyqtaý sózin arnai kelip, elimizde alǵash ret uiymdastyrylyp otyrǵan osy forýmnyń Qazaqstan táýelsizdiginiń 25 jyldyq mereitoiy qarsańynda ótýine airyqsha nazar aýdardy.
Májilis Spikeri atap ótkendei, osy ýaqyttyń ishinde Qazaqstan Respýblikasynyń Tuńǵysh Prezidenti Nursultan Ábishuly Nazarbaevtyń kóregen saiasatynyń arqasynda bizdiń elimiz ekonomikasy qýatty, birligi myqty, bolashaǵy aiqyn abyroily memleketke ainaldy.
Odan ári Májilis Tóraǵasy Prezidentimiz Nursultan Ábishuly Nazarbaevtyń táýelsizdik alǵan kúnnen bastap Aziiamen, sonyń ishinde Islam elderimen yntymaqtastyqqa asa mán berip kele jatqanyn aityp, sonyń nátijesinde Islam qaýymdastyǵy elderimen aimaqtaǵy turaqtylyqty, qaýipsizdikti nyǵaitý, bilim, ǵylym jáne Islam mádenietin damytý baǵytynda jetken jetistikterdiń kóp ekenin, sonyń ishinde, dinaralyq jáne ultaralyq tatýlyqtyń «qazaqstandyq modeli» qalyptasýy álem elderine úlgi bolyp otyrǵanyna toqtaldy.
Óz sózinde:-Qazaqstanymyz árqashanda álemdik integratsiia ideiasyn qoldap, kóptegen halyqaralyq uiymdardyń belsendi jáne bedeldi múshesi atandy. Onyń naqty dáleli memleketimizdiń Birikken Ulttar Uiymy Qaýipsizdik keńesiniń 2017-shi – 2018-shi jyldarǵa arnalǵan turaqty emes múshesi bolyp sailanýy. Osynyń barlyǵy, álem elderiniń Qazaqstanǵa degen senimi óte joǵary bolýynyń jarqyn kórsetkishi,-dep atap ótti N. Nyǵmatýlin.
Forým jumysyna ISESKO-yń Bas direktory Abdýlaziz Osman Al-Týeidjri óziniń beine quttyqtaýyn joldady.
Mańyzdy forýmdy uiymdastyrýshylar Qazaqstan Respýblikasy Parlamenti Májilisi men Bilim, ǵylym jáne mádeniet máseleleri jónindegi Islam uiymy (ISESKO) jáne Islam Damý Banki.
Eki kúnge sozylatyn Astana parlamentaralyq forýmy negizgi jeti taqyryptyq sessiia aiasynda ótkizildi.
Alǵashqy kúni, bilim, tehnologiia jáne innovatsiia salasyndaǵy saiasat boiynsha talqylaý usynylady.
Kún tártibinde sondai-aq, jahandaný aiasyndaǵy bilim men ǵylym salalaryn damytý úshin zańnamalyq baza qalyptastyrý máseleleri, ulttyq baǵdarlamalar men basymdyqtardy iske asyrýdaǵy ulttyq institýttarmen qarym-qatynas joldary men ondaǵy parlamentariia róli máseleleri qarastyrylǵan. Naqty aitqanda, óndiristik sektorda ǵylymi tehnikalyq ólshemder týraly suraqtar qaralady.
Forýmnyń basty maqsaty – Islam Elderi Uiymyna múshe -memleketterdiń ǵylymi jáne bilim berý áleýetin kóterý.
