Astanada soqqan borannan 13 adam jaraqat aldy, dep habarlaidy QazAqparat Travmatologiia jáne ortopediia ǴZI silteme jasap.
«10 qańtar kúni travmalyq pýnktige 73 adam júgindi, onyń 46-sy kóshede jaraqat alǵan. 11 qańtar kúni tańǵy saǵat 8-den 15:00-ge deiin 17 adam kelgen, onyń ishinde 13 adamǵa kóshede zaqym kelgen», - delingen atalǵan mekeme taratqan habarlamada.
Sondai-aq, Astanada 1984 jyly týǵan áielge jarnama banneri qulap túsip, sol jaq jaýyrynyna zaqym kelgen. Al 1950 jyly týǵan er adam qatty jelden biznes-ortalyqqa baryp soǵylyp, tobyq býynyn qozǵap aldy. Qazirgi ýaqytta travmalyq pýnkt shtatty rejimde jumys istep tur, qarbalas jaǵdai tirkelgen joq.
