Astanada aialdamaǵa arandatý máninde sóz jazyp ketken adam ustaldy, - dep habarlaidy kaz.tengrinews.kz tilshisi. Elordalyq IID tergeý basqarmasynyń ókilderi biyl tamyzda bolǵan oqiǵanyń mán-jaiyn aitty.
Eske salsaq, sol kezde Facebook jelisinde Jeńis dańǵyly men Moldaǵulov kóshesiniń qiylysyndaǵy aialdamaǵa jazylǵan mátinniń sýreti jariialanǵan edi. Politsiia bul sýrettegi jazýdy " Ulttyq, rýlyq, násildik, áleýmettik jáne dini arazdyqty tutandyrý" dep baǵalady.
Osy derek boiynsha tergeý bastalyp, jariialanym avtory izdestirile bastaǵan edi.
"Jeńis dańǵyly men Moldaǵulov kóshesiniń qiylysyndaǵy avtobýs aialdamasynda tabylǵan jazba deregi boiynsha QR Qylmystyq kodeksiniń 174-babynyń 1-bóligi boiynsha sotaldy tergeý bastaldy. Kúdikti ustaldy, oǵan qatysty Astananyń Saryarqa aýdandyq № 2 soty qamaýǵa alý túrindegi bultartpaý sharasyn qoldanýdy sheshti. Qylmystyq is aiasynda Astananyń SSI sarapshylarynyń qatysýymen sáikes zertteýler taǵaiyndaldy", - dep habarlady tergeý basqarmasyndaǵylar.
