Foto: Sputnik / Mihail Voskresenskii
Astana ákimi Jeńis Qasymbek elordadaǵy aqyly turaqtarda nómirlik belgilerdi tanyp-anyqtaý fýnktsiiasy bar statsionarly foto jáne videofiksatsiia júielerin engizý jáne paidalanylmaǵan ýaqytqa avtomatty túrde aqshany qaitarý máselesine qatysty depýtattyq saýalǵa jaýap berdi, dep habarlaidy Ult.kz.
«Búgingi kúnge deiin Astana qalasy aýmaǵyndaǵy kommýnaldyq aqyly avtoturaqtardy (parkingterdi) paidalaný erejelerine ózgerister men tolyqtyrýlar engizý jobasy ázirlengen. Atalǵan erejelerde minýttyq tólem qarastyrylǵan, jáne usynylǵan ózgerister «Astana turaq keńistigi» JShS-men memlekettik-jeke menshik áriptestik shartyn buzý rásimi aiaqtalǵannan keiin engiziletin bolady», – delingen habarlamada.
Statsionarly foto-videofiksatsiia júiesin engizý máselesine qatysty atalmysh júieni engizý infraqurylymy múmkindik beretin belgili bir ashyq avtoturaqtarda josparlanýda.
Habarlamaǵa sensek, parkingtik tólemder men aiyppuldardan túsetin túsimderdiń biryńǵai tarifin qamtamasyz etý jáne tolyq qarjylyq ashyqtyǵyn qamtamasyz etý máselesine qatysty qazirgi ýaqytta shlagbaýmy bar alańdyq tiptegi avtoturaqqa aldyn ala saǵatyna 300 teńge, al ashyq tiptegi (kedergisiz) avtoturaqqa saǵatyna 100 teńge tarifi qarastyrylyp jatyr.
Júrgizilgen taldaýǵa sáikes, jeke menshik avtoturaqtarda saǵattyq aqy 300 teńgeden 5 000 teńgege deiin ózgerip otyrady.
Astana qalasy aýmaǵyndaǵy avtoturaqtar (avtoparkingter) uiymdastyrý erejelerine sáikes, Astana qalasy ákimdiginiń 2016 jylǵy 3 mamyrdaǵy №108-863 qaýlysymen bekitilgendei, avtoturaqtar (avtoparkingter) menshiktiń formasyna qarai kommýnaldyq jáne jeke menshik bolyp bólinedi:
1) Jeke avtoturaq (avtoparking) – memlekettik emes zańdy tulǵa nemese jer ýchaskesiniń menshik quqyǵyna nemese maqsatty paidalaný quqyǵyna sáikes quqyqtary bar jeke kásipker uiymdastyrǵan saýda, oiyn-saýyq, mádeni jáne ákimshilik ǵimarattardy qospaǵanda, kólik quraldaryn qoiýǵa arnalǵan oryndar. Jeke avtoturaqtyń (avtoparkingtiń) iesi kásipkerlik qyzmet retinde bekitilgen tarifterge sáikes avtoturaq keńistigin paidalaný úshin kólik quraldarynyń ielerinen tólem alýǵa quqyly, sondai-aq osy maqsatta basqa zańdy tulǵa nemese jeke kásipkerdi jaldaýǵa nemese atalǵan tulǵalarǵa avtoturaqty jalǵa berýge bolady;
2) Kommýnaldyq avtoturaq (avtoparking) – ýákiletti organ uiymdastyrǵan, kommýnaldyq menshikte turǵan, turǵyn úi jáne ákimshilik ǵimarattardyń aýmaqtaryn qospaǵanda, kólik quraldaryn qoiýǵa arnalǵan oryndar.
