videodan alynǵan kadrlar
Astanada avtobýs júrgizýshisi júregi toqtap qaza boldy. Bul habardy CTS kólik kompaniiasy da rastady.
Oqiǵadan keiingi kadrlar áleýmettik jelide paida boldy.
CTS kólik kompaniiasynyń baspasóz qyzmeti oqiǵanyń 27 shilde saǵat 10:20-da Bógenbai batyr dańǵylynda, Beibitshilik aialdamasyna jaqyn jerde bolǵanyn jetkizdi.
"Marshrýt boiynsha kele jatqan 1961 jyly týǵan júrgizýshi esinen tanyp, saldarynan jol shetindegi qorshaý men jaryqtandyrý baǵanasyna soǵylyp, keiin jaiaý júrginshilerge arnalǵan jolǵa shyǵyp ketken. Júrgizýshi aýrýhanaǵa jetkizilgenimen, esin jimastan kóz jumdy.
Ólimniń negizgi sebebi - júrektiń toqtap qalýy. Avtobýs júrgizýshisiniń 15 jyldyq tájiribesi bolǵan. Júrgizýshi demalystan keiingi 2 kúni jumysqa shyqty. Jumys aldynda saǵat 05:54 te meditsinalyq tekserýden ótken", - deidi CTS kólik kompaniiasynyń baspasóz qyzmeti.
Oqiǵa saldarynan zardap shekkender joq.
"Biz otbasy men jaqyndaryna shyn júrekten kóńil aitamyz", - deidi kólik kompaniiasynyń ókilderi.
