ۆيدەودان الىنعان كادرلار
استانادا اۆتوبۋس جٷرگٸزۋشٸسٸ جٷرەگٸ توقتاپ قازا بولدى. بۇل حاباردى CTS كٶلٸك كومپانيياسى دا راستادى.
وقيعادان كەيٸنگٸ كادرلار ەلەۋمەتتٸك جەلٸدە پايدا بولدى.
CTS كٶلٸك كومپانيياسىنىڭ باسپاسٶز قىزمەتٸ وقيعانىڭ 27 شٸلدە ساعات 10:20-دا بٶگەنباي باتىر داڭعىلىندا, بەيبٸتشٸلٸك ايالداماسىنا جاقىن جەردە بولعانىن جەتكٸزدٸ.
"مارشرۋت بويىنشا كەلە جاتقان 1961 جىلى تۋعان جٷرگٸزۋشٸ ەسٸنەن تانىپ, سالدارىنان جول شەتٸندەگٸ قورشاۋ مەن جارىقتاندىرۋ باعاناسىنا سوعىلىپ, كەيٸن جاياۋ جٷرگٸنشٸلەرگە ارنالعان جولعا شىعىپ كەتكەن. جٷرگٸزۋشٸ اۋرۋحاناعا جەتكٸزٸلگەنٸمەن, ەسٸن جيماستان كٶز جۇمدى.
ٶلٸمنٸڭ نەگٸزگٸ سەبەبٸ - جٷرەكتٸڭ توقتاپ قالۋى. اۆتوبۋس جٷرگٸزۋشٸسٸنٸڭ 15 جىلدىق تەجٸريبەسٸ بولعان. جٷرگٸزۋشٸ دەمالىستان كەيٸنگٸ 2 كٷنٸ جۇمىسقا شىقتى. جۇمىس الدىندا ساعات 05:54 تە مەديتسينالىق تەكسەرۋدەن ٶتكەن", - دەيدٸ CTS كٶلٸك كومپانيياسىنىڭ باسپاسٶز قىزمەتٸ.
وقيعا سالدارىنان زارداپ شەككەندەر جوق.
"بٸز وتباسى مەن جاقىندارىنا شىن جٷرەكتەن كٶڭٸل ايتامىز", - دەيدٸ كٶلٸك كومپانيياسىنىڭ ٶكٸلدەرٸ.
