Elorda turǵynyn politseiler birden qolǵa túsirgen. Alaida, jábir kórgen er adamnyń da jumys ýaqytynda ishimdik iship alǵany anyqtaldy. Oqiǵaǵa qatysy bar eki er adam da jaýapqa tartyldy, dep habarlaidy "Ult aqparat" El.kz aqparattyq agenttigine silteme jasap.
Usaq buzaqylyq jasaǵany úshin ákimshilik jaýapqa tartyldy. Búgin ákimshilik quqyqbuzýshylyq jónindegi mamandandyrylǵan aýdanaralyq sotynyń qaýlysymen quqyq buzýshy 5 táýlikke qamaýǵa alyndy. Jumys ornynda mas kúiinde bolǵan aýla sypyrýshy da jaýapqa tartyldy. Aýla sypyrýshysy er adamnyń áielin balaǵattaǵan. Artynsha janjal týyndaǵan, – deidi Astana PD baspasóz qyzmetiniń aǵa inspektory Elmira Shaýlenova.
Aita keteiik, oqiǵany kýágerler videoǵa túsirip, áleýmettik jelige júktegen. Jazba avtory bul Astanadaǵy Ázirbaev kóshesinde bolǵanyn aitady. Ondaǵy kadrlardan jol jiegine toqtaǵan kólik júrgizýshisi bolýy múmkin er adamnyń jumysshyǵa eskertý jasap jatqanyn baiqaýǵa bolady. Odan jumysshy jyldam qashyp qutylǵysy kelgenmen, er adam báribir qýyp jetip, julqylap, tizerletip otyrǵyzady.
