video kadry
Astanada elitalyq monsha kesheni órtendi. Ol aty shýly kásipker Aleksandr Orlovqa tiesili bolatyn, - dep habarlaidy Tengrinews.kz saity qalalyq tótenshe jaǵdailar departamentine silteme jasap.
Órttiń videosy áleýmettik jelide tarady. Aǵashtan jasalǵan eki qabatty monshanyń tóbesi men shatyry janǵan. Qurbandar men zardap shekkender joq.
"Aldyn ala málimet boiynsha órt "Orlovskie bani" monshasynyń 150 sharshy metrin sharpyǵan. Órt saǵat 22:06-da sóndirildi. 14 qyzmetker men 3 birlik tehnika shyqty", - dep habarlady tótenshe jaǵdailar departamenti.
Eske salaiyq, Almatyda jáne shetelde qymbat meiramhanalar jelisine ielik etetin reseilik kásipker jáne restorator Aleksandr Orlov buǵan deiin halyqaralyq izdeýde júrgeni habarlanǵan edi.
Orlov Reseiden ketip qalǵan. Tamyz aiynda ol úsh kompaniianyń: "Tanýki", "Tanýki-Krasnodar" jáne "Tanýki-N.-Novgorod"-taǵy 33,3 paiyzdyq úlesin satqan. Ol sondai-aq osy jazda óziniń Bulldozer Group meiramhanalar tobynan bas tartty.
Almaty men Astanada Aleksandr Orlovtyń birneshe meiramhanasy bar.
2022 jyly Aleksandr Orlovtyń basy daýǵa qaldy. Kásipker "Ortalyq Aziiada bilikti kadrlardy tabý qiyn, olar tapshy" degen. Bul málimdeme áleýmettik jelilerde qazaqstandyqtardyń narazylyǵyn týdyrdy.
