Elordada ystyq aýa raiynan 21 adam jedel meditsinalyq járdemge júgingen. Bul týraly "Ult aqparat" Nur-Sultan qalasynyń jedel meditsinalyq járdem stansasyna silteme jasap habarlaidy.
«Sońǵy aptada aýa temperatýrasynyń joǵarylaýynan qalalyq jedel meditsinalyq járdem stansasyna túsetin qońyraýlar 6%-ǵa artty. Aptap ystyqtan 21 adam jedel meditsinalyq járdemge júgindi. Onyń 8-ine kún ótken jáne 13 adam esinen tanǵan», - dep habarlady elordalyq jedel meditsinalyq járdem stansasynyń qoǵammen bailanys ortalyǵy.
Sonymen birge, astanalyq dárigerler aptap ystyqtan qorǵaný boiynsha keńes berdi.
«Ystyq ótkenin sezseńiz, eń aldymen aǵzany salqyndatý qajet. Tikelei kún sáýlesinen kóleńkege ótip, mańdaiǵa muz basýǵa bolady. Ásirese, qapyryq ystyqtan, bas kiim kimeýden, jeldetilmeitin mekemede otyrýdan nemese alkogoldi ishimdikten jaǵdai nasharlai túsedi. Aǵzaǵa kómektesý úshin, shalqadan jatyp, deneni tar kiimnen bosatý qajet. Máselen, jaǵany ashyp, belbeýdi aǵytýǵa bolady. Júrek ainyǵan sátte bir qyrmen jatý kerek, sonda tynys alý joldaryna bógde zat ketpeidi. Bólme temperatýrasyndaǵy sýdy azdaǵan jutymmen ishý kerek», - delingen habarlamada.
