ەلوردادا ىستىق اۋا رايىنان 21 ادام جەدەل مەديتسينالىق جەردەمگە جٷگٸنگەن. بۇل تۋرالى "ۇلت اقپارات" نۇر-سۇلتان قالاسىنىڭ جەدەل مەديتسينالىق جەردەم ستانساسىنا سٸلتەمە جاساپ حابارلايدى.
«سوڭعى اپتادا اۋا تەمپەراتۋراسىنىڭ جوعارىلاۋىنان قالالىق جەدەل مەديتسينالىق جەردەم ستانساسىنا تٷسەتٸن قوڭىراۋلار 6%-عا ارتتى. اپتاپ ىستىقتان 21 ادام جەدەل مەديتسينالىق جەردەمگە جٷگٸندٸ. ونىڭ 8-ٸنە كٷن ٶتكەن جەنە 13 ادام ەسٸنەن تانعان», - دەپ حابارلادى ەلوردالىق جەدەل مەديتسينالىق جەردەم ستانساسىنىڭ قوعاممەن بايلانىس ورتالىعى.
سونىمەن بٸرگە, استانالىق دەرٸگەرلەر اپتاپ ىستىقتان قورعانۋ بويىنشا كەڭەس بەردٸ.
«ىستىق ٶتكەنٸن سەزسەڭٸز, ەڭ الدىمەن اعزانى سالقىنداتۋ قاجەت. تٸكەلەي كٷن سەۋلەسٸنەن كٶلەڭكەگە ٶتٸپ, ماڭدايعا مۇز باسۋعا بولادى. ەسٸرەسە, قاپىرىق ىستىقتان, باس كيٸم كيمەۋدەن, جەلدەتٸلمەيتٸن مەكەمەدە وتىرۋدان نەمەسە الكوگولدٸ ٸشٸمدٸكتەن جاعداي ناشارلاي تٷسەدٸ. اعزاعا كٶمەكتەسۋ ٷشٸن, شالقادان جاتىپ, دەنەنٸ تار كيٸمنەن بوساتۋ قاجەت. مەسەلەن, جاعانى اشىپ, بەلبەۋدٸ اعىتۋعا بولادى. جٷرەك اينىعان سەتتە بٸر قىرمەن جاتۋ كەرەك, سوندا تىنىس الۋ جولدارىنا بٶگدە زات كەتپەيدٸ. بٶلمە تەمپەراتۋراسىنداعى سۋدى ازداعان جۇتىممەن ٸشۋ كەرەك», - دەلٸنگەن حابارلامادا.
