Foto: Freepik
Astanalyqtardy kólik bólshekterin arzan baǵada satamyn dep aldaǵan alaiaq anyqtaldy, - dep habarlaidy «Ult aqparat» IIM baspasóz qyzmetine silteme jasap.
Qostanai qalasynyń 34 jastaǵy turǵyny mobildi qosymsha arqyly azamattardy aldap kelgen. Ol saitta kólik bólshekterin satý týraly habarlandyrý jariialaǵan.
"Saitta kórsetilgen baǵalar naryqtaǵy baǵadan áldeqaida tómen bolǵan. Kúdikti satyp alýshylarmen hat almasyp, taýarǵa aldyn ala tólem jasaýdy usynǵan. Tólemniń baǵasy 20-150 myń teńge aralyǵynda bolǵan. Oǵan sengen azamattar aqshasyn birneshe bank shotyna aýdarǵan", - dep jazylǵan habarlamada.
Elordalyq politseiler jedel izdestirý sharalary barysynda Qostanai qalasynda birqatar alaiaqtyq jasaǵan kúdiktini ustady. Tergeýshiler onyń turǵylyqty jerinen noýtbýk, jeti telefon men sim-karta tárkiledi. Búginge deiin politsiiaǵa aldanyp qalǵan 4 azamat habarlasqan, biraq zardap shekkender sany 30-ǵa jýyq bolýy múmkin.
Onyń buryn da osyǵan uqsas qylmys jasaǵany úshin qylmystyq jaýapkershilikke tartylǵany anyqtaldy. Qazir qylmystyq is qozǵalyp, kúdikti politsiia basqarmasynyń ýaqytsha ustaý izoliatoryna qamaldy.
