فوتو: Freepik
استانالىقتاردى كٶلٸك بٶلشەكتەرٸن ارزان باعادا ساتامىن دەپ الداعان الاياق انىقتالدى, - دەپ حابارلايدى «ۇلت اقپارات» ٸٸم باسپاسٶز قىزمەتٸنە سٸلتەمە جاساپ.
قوستاناي قالاسىنىڭ 34 جاستاعى تۇرعىنى موبيلدٸ قوسىمشا ارقىلى ازاماتتاردى الداپ كەلگەن. ول سايتتا كٶلٸك بٶلشەكتەرٸن ساتۋ تۋرالى حابارلاندىرۋ جارييالاعان.
"سايتتا كٶرسەتٸلگەن باعالار نارىقتاعى باعادان ەلدەقايدا تٶمەن بولعان. كٷدٸكتٸ ساتىپ الۋشىلارمەن حات الماسىپ, تاۋارعا الدىن الا تٶلەم جاساۋدى ۇسىنعان. تٶلەمنٸڭ باعاسى 20-150 مىڭ تەڭگە ارالىعىندا بولعان. وعان سەنگەن ازاماتتار اقشاسىن بٸرنەشە بانك شوتىنا اۋدارعان", - دەپ جازىلعان حابارلامادا.
ەلوردالىق پوليتسەيلەر جەدەل ٸزدەستٸرۋ شارالارى بارىسىندا قوستاناي قالاسىندا بٸرقاتار الاياقتىق جاساعان كٷدٸكتٸنٸ ۇستادى. تەرگەۋشٸلەر ونىڭ تۇرعىلىقتى جەرٸنەن نوۋتبۋك, جەتٸ تەلەفون مەن سيم-كارتا تەركٸلەدٸ. بٷگٸنگە دەيٸن پوليتسيياعا الدانىپ قالعان 4 ازامات حابارلاسقان, بٸراق زارداپ شەككەندەر سانى 30-عا جۋىق بولۋى مٷمكٸن.
ونىڭ بۇرىن دا وسىعان ۇقساس قىلمىس جاساعانى ٷشٸن قىلمىستىق جاۋاپكەرشٸلٸككە تارتىلعانى انىقتالدى. قازٸر قىلمىستىق ٸس قوزعالىپ, كٷدٸكتٸ پوليتسييا باسقارماسىنىڭ ۋاقىتشا ۇستاۋ يزولياتورىنا قامالدى.
