Foto: ashyq derekkóz
Astanada ózin tabysty kásipker etip kórsetkisi kelgen azamat qymbat qonaqúiler men meiramhanalarǵa ailap aqy tólemei júrgen, dep habarlaidy Ult.kz.
Ol 5 ai boiy dostarymen birge bes juldyzdy qonaq úilerde turyp, qymbat dúkenderden kiim alyp, bank qosymshasy arqyly jalǵan tólem tapsyrmalaryn jiberip otyrǵan. Shyn máninde onyń shotynda bir tiyn da bolmaǵan.
Aldanǵan mekemeler qujattardyń túpnusqasyn teksermei, qyzmet kórsete bergen. Osylaisha jábirlenýshilerge 8 mln teńgeden astam shyǵyn keltirildi.
Aiyptalýshy sotta bárin moiyndap, muny áleýmettik jelide bai, tabysty bolyp kóriný úshin jasaǵanyn aitty. Ol meiramhanadaǵy dastarhan basynan, sándi kiimmen túsken sýretterin jelige jariialap otyrǵan.
Nátijesinde sot ony 3 jylǵa bas bostandyǵynan aiyrdy, al jábirlenýshilerdiń shyǵyny óndirildi.
Úkim zańdy kúshine engen joq.
