Foto: facebook.com/astanapark.kz
Astanada aqyly turaqtardan biýdjetke túsken qarajattyń kólemi jariialandy, dep habarlaidy Sputnik Qazaqstan.
"Astana turaq keńistigi" kompaniiasy taratqan málimetke sáikes, qalada aqyly turaqtar engizilgeli beri kólik júrgizýshileri jasaǵan tólemderdiń jalpy kólemi 450 million teńgeni qurady.
"Al 2023 jylda aqyly turaq úshin tólengen aqynyń jalpy kólemi 201 million teńge boldy", - delingen resmi habarlamada.
Astananyń 2021-2025 jyldarǵa arnalǵan áleýmettik-ekonomikalyq damý boljamyna sáikes, jeke kólikterdi paidalanýdy barynsha azaitý jáne aqyly turaqtardyń sanyn arttyrý josparlanyp otyr. Búginde qalada 7 300 aqyly turaq orny bar.
Aita keteri, Astanada aqyly turaqtar tańǵy 8:00-den keshki 20:00-ge deiin jumys isteidi. 1 qazannan bastap demalys jáne mereke kúnderi kezinde de aqy tóleý kerek. Aqyly turaqqa kólik qoiý erejesin buzǵan azamattarǵa 3 AEK (9 540 teńge) kóleminde aiyppul salynady.
