Nur-Sultanda tártip saqshylary 88 jastaǵy zeinetkerge shabýyl jasaǵan qaraqshyny ustady, - dep habarlaidy qalalyq politsiia departamentiniń baspasóz qyzmeti.
Kriminaldyq politsiia qyzmetkerleri jedel-izdestirý is-sharalary barysynda qaraqshylyq shabýyl jasady degen kúdikti azamatty ustady.
"Túnde belgisiz er adam 88 jastaǵy qariianyń esigin qaǵyp, ashýyn suraǵan. Qariia esikti ashqan sátte er adam ony uryp, tonai bastaǵan", - dep habarlady politseiler.
Qaraqshy qariianyń altyn saqinasyn sheship alǵan jáne bólmeni muqiiat qarap taǵy bir altyn saqina alyp shyqqan.
Tergeý barysynda qaskúnemniń Zataevich kóshesinde jalǵa beriletin páterdi jaldaǵany anyqtaldy.
"Qarama-qarsy páterde jalǵyz adam turatynyn bilip, qasaqana barǵan. Elorda politseileri 28 jastaǵy kúdiktini ustady. Ol altyn buiymdardy lombardqa tapsyryp úlgergen. Buǵan deiin onyń urlyq úshin sottalǵany anyqtaldy", - dep túsindirdi baspasóz qyzmeti.
Ustalǵan azamat Nur-Sultan qalalyq politsiiasynyń ýaqytsha ustaý izoliatoryna qamaldy.
"Nur-Sultan qalasynyń politseileri azamattarǵa, ásirese, qart adamdarǵa páterdiń syrtqy esigin qulyptaýdy, bóten adamdarǵa esik ashpaýdy, páterge kirgizbeýdi, eshkimge senbeýdi suraidy", - dedi aýdandyq politsiia bólimi.
