Astanada jetinshi synyp oqýshysy tórtinshi qabattan qulaǵaly turǵan balany aman alyp qaldy.
Astana ákimdiginiń málimetinshe, qaiǵyly oqiǵanyń aldyn alǵan Aqan Ákimjanov №31 mektep-gimnaziiasynyń 7 "D" synyp oqýshysy eken.
20 mamyr kúni Aqan aýlada oinap júrgende, tórtinshi qabattaǵy balkonnyń syrtynda, qorshaýǵa asylyp turǵan balany baiqaidy. Aqan tórtinshi qabatqa júgirip shyǵyp, bes jasar balany aman alyp qalǵan.
Aqan Ákimjanov óziniń de ini-qaryndastary bar ekenin, qajet bolǵan jaǵdaida olarǵa da osylai kómek kórsetiletinine senetinin aitty.
