Foto: Astana qalasynyń prokýratýrasy
Astanada memlekettik satyp alý týraly zańnama talaptaryn buzý derekteri anyqtaldy, - dep habarlaidy "Ult aqparat" qala prokýratýrasynyń baspasóz qyzmetine silteme jasap.
Vedomstvo málimetinshe, elordalyq memlekettik mekemeler tender ótkizbesten tańdalǵan ónim berýshilermen tikelei memlekettik satyp alý týraly sharttardy zańsyz jasasqan. Osyndai 23 derek anyqtalǵany belgili boldy.
"Basqa jaǵdaida memlekettik mekemeler áleýetti qatysýshylardyń sanyn shektep, jumystardy lottarǵa bólmei, olardyń birtekti túrleri boiynsha konkýrstyq qujattamanyń talaptaryn zańsyz túrde kúrdelendirip, nátijesinde konkýrsqa kórsetiletin qyzmetterdiń naqty kólemin kórsetpei, sondai-aq qarjy jylynan asatyn merzimge shart jasasýǵa tyrysty", - delingen habarlamada.
Budan basqa, prokýratýra organdary tarapynan qadaǵalaý aktileri arqasynda memleket kirisine 26 million teńge óndirilip, josyqsyz merdigerlerden aiyppul sanktsiialaryn óndirip alý boiynsha áreketsizdik derekteri anyqtalǵan.
"Engizilgen qadaǵalaý aktileriniń nátijeleri boiynsha 3,9 milliard teńgeden asa somaǵa zańsyz memlekettik satyp alý qorytyndylary joiyldy.
Kináli laýazymdy tulǵalar zańda belgilengen jaýapkershilikke tartylyp, barlyq memlekettik uiymdarǵa memlekettik satyp alý týraly zańnamany múltiksiz saqtaý qajettiligi týraly usynymdar berildi", - delingen vedomstvo habarlamasynda.
