Foto: iStock
Kóliktik baqylaý salasyndaǵy UQT qatysýshylary sottaldy, dep habarlaidy "Ult aqparat" Sybailys jemqorlyqqa qarsy is-qimyl agenttigine silteme jasap.
Astana qalasynyń Qylmystyq ister jónindegi mamandandyrylǵan aýdanaralyq soty kóliktik baqylaý salasyndaǵy uiymdasqan qylmystyq topqa qatysty úkim shyǵardy. Sot úkimimen Astana qalasy boiynsha kóliktik baqylaý inspektsiiasy basshysynyń m.a. Q. Qudaibergenov jáne onyń sybailasy B. Shýmbasova 10 jylǵa bas bostandyǵynan aiyryldy.
Ekeýi de uiymdasqan qylmystyq top quryp, basqarǵan, diagnostikalyq kartalardy qoldan jasap, tehnikalyq tekserýden ótý týraly aqparattyq júiege jalǵan aqparat engizdi dep aiyptaldy" - delingen habarlamada.
Antikor málimetinshe, UQT-nyń basqa on úsh qatysýshysy 5 jylǵa bas bostandyǵynan aiyrylyp, taǵy 4 adamnyń 2 jylǵa bostandyǵy shektelgen. Sondai-aq, sot úkimimen kóliktik baqylaý organdarynyń basqa laýazymdy tulǵalary UQT múshelerinen para alǵany úshin kináli dep tanylǵan.
Olar 350 myńǵa jýyq avtokólik quralyn zańsyz tirkegen.
Úkim zańdy kúshine engen joq.
