Elordanyń 38 jastaǵy turǵyny kópirden ózenge sekirgen qyzdy qutqaryp qaldy, dep habarlaidy "Ult aqparat".
Nur-Sultan qalasy Politsiia departamentiniń habarlaýynsha, búgin saǵat 11.16-da « 102» pýltine «Qazaqstan» SK mańyndaǵy kópirden bir qyzdyń ózenge sekirgeni týraly habarlama kelip túsken.
Oqiǵa kezinde jaqyn mańda bolǵan 38 jastaǵy Denis Sindeev sýdaǵy qyzǵa kómekke umtylady.
«Men sol mańda turǵanmyn. Bir kezde adamdar qyzdyń sýǵa sekirgenin aityp shýlap ketti. Jaqyndaǵanda sý betinde jantalasyp jatqan qyzdy kórdim. Oilanbastan syrt kiimimdi sheship, ózenge qoiyp kettim», - deidi astanalyq turǵyn.
«Qazir onyń ómirine eshqandai qaýip joq. Oqiǵanyń mán-jaiyn politseiler anyqtap jatyr. Elordalyq politsiia departamentiniń basshysy Erjan Sádenov Denis Sindeevke eren eńbegi úshin alǵys aityp, Alǵys hat pen baǵaly syilyq tabys etti», - dep jazady Nur-Sultan qalasy Politsiia departamentiniń baspasóz qyzmetinen.
