ەلوردانىڭ 38 جاستاعى تۇرعىنى كٶپٸردەن ٶزەنگە سەكٸرگەن قىزدى قۇتقارىپ قالدى, دەپ حابارلايدى "ۇلت اقپارات".
نۇر-سۇلتان قالاسى پوليتسييا دەپارتامەنتٸنٸڭ حابارلاۋىنشا, بٷگٸن ساعات 11.16-دا « 102» پۋلتٸنە «قازاقستان» سك ماڭىنداعى كٶپٸردەن بٸر قىزدىڭ ٶزەنگە سەكٸرگەنٸ تۋرالى حابارلاما كەلٸپ تٷسكەن.
وقيعا كەزٸندە جاقىن ماڭدا بولعان 38 جاستاعى دەنيس سيندەەۆ سۋداعى قىزعا كٶمەككە ۇمتىلادى.
«مەن سول ماڭدا تۇرعانمىن. بٸر كەزدە ادامدار قىزدىڭ سۋعا سەكٸرگەنٸن ايتىپ شۋلاپ كەتتٸ. جاقىنداعاندا سۋ بەتٸندە جانتالاسىپ جاتقان قىزدى كٶردٸم. ويلانباستان سىرت كيٸمٸمدٸ شەشٸپ, ٶزەنگە قويىپ كەتتٸم», - دەيدٸ استانالىق تۇرعىن.
«قازٸر ونىڭ ٶمٸرٸنە ەشقانداي قاۋٸپ جوق. وقيعانىڭ مەن-جايىن پوليتسەيلەر انىقتاپ جاتىر. ەلوردالىق پوليتسييا دەپارتامەنتٸنٸڭ باسشىسى ەرجان سەدەنوۆ دەنيس سيندەەۆكە ەرەن ەڭبەگٸ ٷشٸن العىس ايتىپ, العىس حات پەن باعالى سىيلىق تابىس ەتتٸ», - دەپ جازادى نۇر-سۇلتان قالاسى پوليتسييا دەپارتامەنتٸنٸڭ باسپاسٶز قىزمەتٸنەن.
