Foto: facebook.com/CityTransportationSystems
Astanada qoǵamdyq kólikte jol júrý quny 1 tamyzdan bastap 90 teńgeden 110 teńgege deiin artady, -dep habarlaidy "Ult Aqparat" qala ákimdiginiń baspasóz qyzmetine silteme jasap.
Qalalyq marshrýttarda jol júrýge 90 teńge tarif 2014 jyldyń qyrkúieginde belgilendi. Buǵan deiin qaýly jobasy ashyq NQA portalynda jariia talqylaýǵa shyǵarylǵan bolatyn.
Aita ketý kerek, Astanada jáne qala mańynda oqityn 18 jasqa deiingi balalar úshin qoǵamdyq kólikte jol júrý 2020 jyldyń naýryz aiynan bastap tegin uiymdastyrylyp keledi. Mindetti shart – mekteptiń kólik kartasynyń bolýy jáne ony avtobýsta validatsiia ótkizý.
Sondai-aq kelesi sanattarǵa jatatyn azamattar jeńildikke ie:
1) Uly Otan soǵysynyń qatysýshylary men múgedekteri jáne olarǵa teńestirilgen adamdar;
2) jasy jáne eńbek sińirgen jyldary boiynsha zeinetkerler, sondai-aq jasy boiynsha jáne asyraýshysynan aiyrylý jaǵdaiy boiynsha zeinetkerlik jasqa tolǵan memlekettik áleýmettik járdemaqy alýshylar;
3) kóp balaly analar;
4) kópbalaly otbasylar;
5) múgedekter;
6) on segiz jasqa deiingi múgedek balalar, onyń ishinde ata-analarynyń biri (zańdy ókilderi).
7) «Jappai saiasi qýǵyn-súrgin qurbandaryn ońaltý týraly» Qazaqstan Respýblikasynyń Zańynda belgilengen tártippen aqtalǵan 1986 jylǵy 17-18 jeltoqsandaǵy Qazaqstandaǵy oqiǵalarǵa qatysýshylar qatarynan saiasi qýǵyn-súrgin qurbandary.
