Foto: Qarjylyq monitoring agenttiginiń baspasóz qyzmeti
QMA Astana qalasy boiynsha departamenti qala prokýratýrasynyń úilestirýimen aktsizdeletin taýarlardy iri kólemde, atap aitqanda elektrondyq temeki shegý qurylǵylaryna (veip) arnalǵan suiyqtyqtardy óndirýmen, saqtaýmen jáne ótkizýmen ainalysqan adamnyń zańsyz is-áreketiniń jolyn kesti, dep habarlaidy "Ult aqparat" Qarjylyq monitoring agenttigine silteme jasap.
Vedomstvo málimetinshe, kúdikti ruqsat berý qujattarynsyz quramynda nikotiny bar suiyqtyqty qoldan óndiretin tseh uiymdastyrǵan.
Daiyn ónimdi kóterme jáne bólshek saýda túrinde elorda men respýblikanyń basqa qalalarynyń Veipshoptaryna satqan. Satylǵan nikotin bar suiyqtyqtyń (veip) quny 18 mln teńgeden asqan.
"Jedel-tergeý is-sharalary barysynda 5000-ǵa jýyq elektrondy temeki shegý qurylǵylaryna arnalǵan suiyqtyq qutysy (veip), hosh iistendirgishter, kólemi 235 litr glitserin jáne propilenglikol himiialyq zattar, sondai-aq olardy óndirýge arnalǵan stanoktar tárkilendi.
Sotqa deiingi tergeý bastaldy.
QR QPK-niń 201-babynyń talaptaryna sáikes sotqa deiingi tergep-tekserýdiń ózge de derekteri tergeý múddesinde jariia etilýge jatpaidy" - delingen habarlamada.
